Зәйнәб Биишева исемендәге “Китап” нәшриәтендә 2015 йылға йыртмалы календарь баҫылып сыҡты. Ул Бөйөк Еңеүҙең 70 йыллығына арнала.

Календарҙа Башҡортостан тарихы, билдәле шәхестәрҙең эшмәкәрлеге, һуғыш ветерандары хаҡында мәғлүмәт табырға була. Шулай уҡ профессиональ байрамдар, юбилей даталары, әҙәбиәт, сәнғәт, мәғариф, спорт өлкәһенә ҡағылышлы ҡыҫҡаса белешмәләр табырға була. Баҫмала башҡорт шағирҙарының һуғыш хаҡындағы шиғырҙары һәм хәтерләүҙәре лә бирелә. Хужабикәләргә төрлө аш-һыу рецептары, шифалы үләндәр хаҡындағы мәғлүмәттәр бик файҙалы буласаҡ.

Йыртмалы календарь киң аудиторияға тәғәйенләнгән. Уны нәшриәт кибетендә һатып алырға була.