28 октябрь-Бөтә донъя олатайҙар һәм өләсәйҙәр көнө. Быйыл был көн шаршамбыға тура килә. Өлкән йәштәге яҡындарының күңелен күрергә теләүселәр, улар өсөн республика һәм баш ҡала мәҙәниәт усаҡтарында көтөлгән мәҙәни сараларҙа ял итеүҙе ойоштора ала. Был көндә М. Ғафури исемендәге БДАД театрында ҡырғыҙ яҙыусыһы С. Айтматовтың "Аҡ пароход" спектакле тәҡдим ителә. Оҫта ҡәләмгә эйә яҙыусының әҙәби мираҫын латыш режиссеры Линас Зайкаускас сәхнәләштергән. Спектакль театрҙың ҙур залы сәхнәһендә, киске 19.00 башлана. Әгәр, М. Кәрим исемендәге милли Йәштәр театрын һайлаһағыҙ, авторҙың "Беҙҙең өйҙөң йәме" әҫәре буйынса ҡуйылған спектаклде ҡарай алаһығыҙ. Авторҙың балалар өсөн яҙылған ҡыҙыҡлы әҫәрен Мөсәлим Кулбаев сәхнәләштергән. Уны, шулай уҡ, театрҙың ҙур залы сәхнәһендә, киске 19.00 ҡарарға мөмкин. Рус дәүләт академия драма театрын үҙ итеүселәрҙе был театрҙа К. Гальдониҙың "Венециан игеҙәктәре" спектакле көтә. Авторҙың киң билдәле әҫәре буйынса сәхнәләштерелгән был комедия ла, шулай уҡ, театрҙың ҙур залы сәхнәһендә, киске 19.00 башланасаҡ.