Сара "Башҡортостан" дәүләт концерт залының Кесе залында 16.00 сәғәттә үтәсәк. Тантана шағирҙар, яҙыусылар, сәнғәт эшмәкәрҙәре ҡатнашлығында әҙәби-музыкаль кисә рәүешендә ойошторола. Шулай уҡ “Әҙәби мозаика” тип аталған республика марафонына старт бирелә. Тәүгеләрҙән булып эстафетаны Ғафури районы ҡабул итеп ала, һуңынан ул башҡа район-ҡалалар аша үтәсәк. Марафондың төп маҡсаты - төбәктәрҙәге йәш һәләттәрҙе асыҡлау, үҫешкә ярҙам итеү.

Әҙәбиәт йылы асылыу айҡанлы БР Мәҙәниәт министрлығына ҡараған ойошмаларҙа төрлө күргәҙмәләр, акциялар, спектаклдәр, яҙыусылар менән осрашыуҙар ойоштороласаҡ.