«Башҡорт киноһы төнө» 8 март – Халыҡ-ара ҡатын-ҡыҙҙар көнөнә бағышлана. Йолаға әйләнгән «төндө» БР Мәҙәниәт министрлығы, БР Кинематографистар союзы һәм «Родина» кинотеатры үткәрә. Тамашасы башҡорт кинорежиссерҙарының иң яҡшы эштәрен ҡарап кинәнәсәк: «Ай тотолған төндә» (режиссеры Б.Халзанов, төп ролдә Гөлли Мөбәрәкова), «Возвращение чувств» («Мосфильм», режиссеры М.Осипьян, төп ролдә Нурия Ирсаева), «Головоломка» (режиссеры А.Йомағолов), музыкаль комедия «Таныш булмаған таныштар» (режиссеры А.Хужәхмәтов) һәм башҡалар. Шулай уҡ йәш режиссер Роман Пожидаевтың ҡыҫҡа метражлы «Карусель» фильмының премьераһы көтөлә.
Тамаша урыны: «Родина» кинотеатры.
Башлана 21.00 сәғәттә