Бөгөн Өфөлә төрки телле шиғриәт әҫәрҙәрен тәржемә итеүселәрҙең «Аҡ Торна» Халыҡ-ара конкурсына йомғаҡ яһаласаҡ. Дөйөм алғанда, конкурсҡа Рәсәй, Украина, Австрия, Дания, Германия, Әзербайжан, Ҡаҙағстандан 370 эш тапшырылған, 13 автор финалға сыҡҡан.
Ойоштороусылар хәбәр итеүенсә, шиғырҙар рус теленә башҡорт, татар, ҡаҙаҡ, төрөк һәм башҡа телдәрҙән тәржемә ителгән. Конкурс географияһы киңәйә, ә конкурс эштәре араһында хәҙерге заман шағирҙарының да, милли классиктарҙың да шиғырҙары тәржемәләре бар.
Сараны ойоштороусылар – Башҡортостан Республикаһының Мәҙәниәт министрлығы, Башҡортостан Яҙыусылар берлеге, «Мәҙәниәт» ТВ-каналы, «Имидж-Консультант» консалтинг компанияһы, «Бельские просторы» һәм «Ағиҙел» әҙәби-нәфис журналдары.
«Башҡортостандың мәҙәни донъяһы» порталы