Иглин районының Аҡбирҙе ауылы ҡыҙы Гөлназ Ҡотлозаманова «Рәсәй Интернешнл гүзәле» исеменә лайыҡ булды. Матурлыҡ конкурсы Тыва Республикаһында үткән, унда Алтай, Ҡырғыҙстан, Монголия, Татарстан, Мәскәү, Хакасия һәм башҡа ҡала һәм илдәрҙән 20 ҡыҙ ҡатнашҡан. 

Гөлназға 18 йәш. Ул Өфө статистика, информатика һәм иҫәпләү техникаһы колледжының икенсе курсында белем ала. Гөлназ ҡиммәтле бүләктәр менән бүләкләнде һәм июнь айында Албанияла үтәсәк Халыҡ-ара матурлыҡ конкурсында ҡатнашыу хоҡуғы алды.

Гөлназды ҡотлайбыҙ һәм яңы үрҙәр теләйбеҙ!