Башҡортостандың 38 районынан 70 ауыл «Айыҡ ауыл-2013» республика конкурсында ҡатнашырға ғариза тапшырған. Уларҙы ҡабул итеү ошо көндәрҙә тамамланды., конкурс үҙе март айында старт алды.

Был конкурс республика тормошонда мөһим ваҡиғаға әүерелде, айыҡлыҡ хәрәкәте Башҡортостан ауылдарында киң таралыу ала. Башҡортостан Республикаһы Хөкүмәте тарафынан «Айыҡ ауыл» конкурсында әүҙем ҡатнашҡан һәм еңеү яулаған ауылдар өсөн аҡсалата приздар ҡаралған. Средстволарҙы ауыл өсөн кәрәкле мөлкәт һатып алыуға йүнәлтергә мөмкин. Йылдан-йыл конкурста ҡатнашыусылар һаны арта бара. Бәйге меңләгән кешене берләштерә. Барыһы ла һау-сәләмәт балалар үҫтергән имен ғаиләләрҙе, уңышлы йәштәрҙе, бәхетле ҡарттарҙы күргеһе килә.