Мәжит Ғафури исемендәге Башҡорт дәүләт академия драма театры тиҙҙән үҙ тамашасыларын яңы спектаклдәр менән һөйөндөрәсәк. Быйылғы миҙгелде асыу тантанаһы 20 сентябргә билдәләнгән. Әле театр яңы спектаклдәр әҙерләй. Режиссер Искәндәр Сакаев етәкселегендә Софоклдың «Эдип батша» трагедияһы сәхнәгә ҡуйыласаҡ. Артистар һәр ваҡыттағыса миҙгел асылыуын ҙур тулҡынланыу менән көтә.
Театр етәксеһе яңы миҙгелдә лә сит өлкәләргә гастролдәрҙең күп буласағын әйтеп үтте. Мәҫәлән, бер нисә айҙан күрше Татарстанға гастроль планлаштырыла. Был осрашыуға беҙ ентекле әҙерләнәбеҙ, әле репертурҙы яңы спектаклдәр менән байытыу бурысы тора, ти ул.