Рус дәүләт академия драма театрында Башҡортостандың халыҡ артисы Ирина Агашкованың ижад кисәһе үтте. Ижади коллектив юбилей уңайынан тамашасыларға «Неаполь - миллионерҙар ҡалаһы» спектаклен тәҡдим итте.

Актриса спектаклдә төп ролдәрҙең береһен башҡара. Ирина Агашкова, образға инеү өсөн сәхнәлә иң мөһиме етдилек кәрәк, тип иҫәпләй. Театр сәхнәһенә 1983 йылдан тоғро хеҙмәт иткән актрисаның уңышлы башҡарған биш тиҫтәнән ашыу роле бар. Уларҙың һәр береһе тәрән фәлсәфә, һөйөү менән һуғарылған.