Әхмәтзәки Вәлиди исемендәге Милли китапханала Өфөлә үтәсәк ШОС һәм БРИКС саммитары айҡанлы яңы күргәҙмә асылды. Уны китапхананың ҡулъяҙмалар һәм һирәк осраған баҫмалар бүлеге ойоштора.

Күргәҙмәлә Ҡытай һәм Һиндостанға, шулай уҡ республика тарихына бағышланған һирәк осраған һәм бик ҡиммәтле китаптар, ҡулъяҙмалар ҡуйылған. Тәҡдим ителгән материалдар XVIII – ХХ быуат башына ҡарай, шуныһы менән дә бик әһәмиәтле һәм ҡыҙыҡлы был экспозиция.

Баҫмалар менән һәр теләгән кеше таныша ала. Инеү бушлай.