Был исемде ул 10 конкурсант араһында барған көсөргәнешле ярыш һөҙөмтәһендә яуланы. Республиканың төрлө юғары уҡыу йорттары исеменән сығыш яһаған һылыуҡайҙар төрлө номинацияла һынау тотто.

Бер турҙа ла бәйгеселәр һынатманы. Ә инде конкурс еңеүсеһе Анастасия Яковлева Ставрополь ҡалаһында үтәсәк гүзәллек бәйгеһендә республика данын яҡлаясаҡ. Унда ла еңеү яулаған хәлдә ҡыҙ Көньяҡ Кореяға юллама алыуы ихтимал. Хәтерегеҙгә төшөрәбеҙ, Халыҡ-ара «Мисс университет» бәйгеһе йыл һайын ЮНЕСКО ойошмаһы тарафынан уҙғарыла.