Был башланғысты республика етәксеһе күтәреп сыҡты, әле Өфөлә ошо йүнәлештә эш башланған. Ҡала хакимиәтенән белдереүҙәрендә, иң ҡатмарлыһы ағастан төҙөлгән обьекттарҙы тергеҙеү һәм һаҡлап ҡалыу, шуға тәүҙә тейешле база булдырырға кәрәк. 

Өфөлә 800-ҙән ашыу мәҙәни мираҫ обьекты иҫәпләнә. Улар иҫәбенә архитектура, ҡала төҙөлөшө, тарих, сәнғәт, архелогия ҡомартҡылары инә. 300-ҙән күбрәге Берҙәм дәүләт реестрында теркәлгән. Архитектура ҡомартҡыларын тергеҙеү фонды шулай уҡ реконструкция сығымдарын контролдә тотоу мөмкинлеге бирәсәк. Был эшкә йәмәғәт ойошмаларын йәлеп итеү планлаштырыла. Унан тыш, фонд аҡсаһына профилле белгестәр әҙерләү мөмкинлеге ҡарала.