23 августа Х. Әхмәтов исемендәге Башҡорт дәүләт филармонияһының орган залы фойеһында «Атайсал- ата- бабаларыбыҙ төйәге» исеме аҫтында рәссамдар Йәлил Сөләймәнов менән Әмир Мәжитовтың берлектәге күргәҙмәһе асылды. Экспозицияла авторҙарҙың 41 эше урын алған. Исеменән күренеүенсә, рәссамдар Башҡортостандың тәбиғәтен, ата- бабалрҙың көнкүрешен, мәҙәниәтен һынландыра. Бар эштәр ҙә майлы буяу менән эшләнгән. Был күргәҙмә быға тиклем илдең тиҫтәләрсә төбәгендә, шул иҫәптән Мәскәү һәм Санкт-Петербургта ла күрһәтелгән.

Авторҙар әйтеүенсә, был цикл өҫтөндә улар бер нисә йыл дауамында эшләгән.

Күргәҙмә 10 сентябгә тиклем эшләй. Рәхим итегеҙ!