Башҡортостандың Тәбиғәттән файҙаланыу һәм экология министрлығы Тирә-яҡ мөхитте һаҡлау йылының иң яҡшы эмблемаһы һәм девизы проектына конкурсҡа йомғаҡ яһаны.

Атҡаҙанған матбуғат һәм киң мәғлүмәт хеҙмәткәре, Рәсәй һәм Башҡортостан Журналистар союзы ағзаһы, «Башҡортостан» гәзитенең художество мөхәррире Нәсих Хәлисовтың эше иң яҡшыһы тип табылды.

Уның әйтеүенсә, эмблемала бөркөт осраҡлы ғына төшөрөлмәгән.

Бөркөттәр йәшәү урыны итеп экологик яҡтан таҙа төбәктәрҙе генә һайлай. Эмблема фоны – тамсы. Ул республикабыҙ флагын символлаштырған өс төҫтән тора.

Тирә-яҡ мөхитте һаҡлау йылының девизы ла бар - «Иртәгәһе көнөбөҙҙө һаҡлайыҡ!»

Символдар һәм девиздар ысынбарлыҡта реаль эштәр башҡарыуға этәргес булһын!

Сығанаҡ: «Ашҡаҙар»