26-28 ноябрҙә Өфөнөң Ҡала Мәҙәниәт һарайында «Аҡ һыуһар» төбәк-ара эстрада йырҙары бәйгеһе үтә. Ижади сара Милләт-ара татыулыҡты нығытыу йылына арнала. Сараның ойоштороусылары Башҡортостан Республикаһы Өфө ҡалаһы ҡала округының Мәҙәниәт һәм сәнғәт буйынса идаралығы һәм Ҡала Мәҙәниәт һарайы.
Сығыштарҙы абруйлы жюри ағзалары: БР Халыҡ артисы Вәхит Хызыров (Өфө), Рәсәйҙең атҡаҙанған, Башҡортостандың һәм Татарстандың халыҡ артисы Иҙрис Ғәзиев, Халыҡ-ара «Балалар Евровидениеһы» проекты мөхәррире Киры Чен (Мәскәү), композитор Борис Молочков (Түбәнге Тагил) баһалаясаҡ.
Еңеүселәрҙе иҫтәлекле бүләктәр һәм аҡсалата премия көтә. Гран-при яулаусы иһә абруйлы халыҡ-ара йыр конкурсында ҡатнашыу мөмкинлеген аласаҡ.
«Башҡортостандың мәҙәни донъяһы» порталы