М.Ғафури исемендәге Башҡорт дәүләт академия драма театрында 19 һәм 20 апрелдә «Бәхет хаҡы» спектакленең премьераһы үтә.

Шағирә Хәлисә Мөҙәрисова әҫәре буйынса театр режиссеры Айрат Әбүшахманов ҡуйған спектаклдә Фидан Ғафаров менән бергә Нурия Ирсаева, Илһөйәр Ғәзетдинова, Заһир Вәлитов, Суфия Ҡорбанғәлиева, Әхәт Хөсәйенов, Хәмиҙулла Яруллин, Светлана Хәкимова, Тәнзилә Хисамова һәм йәш артистар уйнай.

Спектаклдә төп ролде башҡарыусы Башҡортостандың һәм Рәсәйҙең халыҡ артисы Фидан Ғафаров - йырсы Зариф образында. Күренекле актер әйтеүенсә, уға геройҙың тормош юлы бик яҡын. Ни тиһәң дә, һәр артист ваҡытында яңғыҙлыҡты, ижад юлының һикәлтәле баҫҡысын үтә.

Берсә илһамландырған, берсә сихри нурға сорнаған мелодраманы ҡарараға өлгөрөп ҡалығыҙ! «Башҡортостандың мәҙәни донъяһы» порталы