Мәжит Ғафури исемендәге Башҡорт дәүләт академия драма театры быйыл тамашасыларҙы премьералар менән йыш ҡыуандырҙы. 92-се ижад миҙгеле лә премьера менән ябылды – 7 һәм 8 июндә танылған драматург Наил Ғәйетбайҙың «Бер мәл санаторийҙа…» тигән әҫәре сәхнәләштерелде. Театр моңһоу комедия менән ижад миҙгелен ябып, моңһоу көҙҙәргә тиклем хушлашһа ла, күп һанлы тамашасыларҙың һорауы буйынса быйылғы миҙгелдең иң сағыу премьераһы – Хәлисә Мөҙәрисованың «Бәхет хаҡы» әҫәре – 27 июндә тағы ла бер тапҡыр ҡуйыласаҡ.

Сығанаҡ: «Ашҡаҙар» радиоһы

«Башҡортостандың мәҙәни донъяһы» порталы