Ҡалала Шаран районының һәүәҫкәр рәссамдары күргәҙмәһе асылды. Сара Тирә-яҡ мөхитте һаҡлау йылына арналған.

Рәссам Геннадий Топольников менән фоторәссам Раил Мусин эштәрендә үҙҙәре йәшәгән төбәктең хозурлығын һүрәтләргә тырышҡан. Тәүгеһе был матурлыҡты буяуҙар һәм ҡағыҙ ярҙамында сағылдырһа, фоторәссам миҙгелдәрҙең ҡабатланмаҫ мәлен фотоаппарат ярҙамында тотоп алырға тырышҡан. «Илһам» композицияһы быға тиклем Октябрьский, Туймазы ҡалалары, Саҡмағош, Бүздәк райондары халҡы иғтибарына ла тәҡдим ителгән. Киләсәктә ижадсылар экспозицияны баш ҡалала ла ойошторорға ниәтләй.

Сығанаҡ: Башҡортостан юлдаш телевидениеһы сайтынан