Бында киске сәғәт ундан иртәнге алтыға тиклем төрлө фильмдар, анимациялар һәм музыкаль клиптар күрһәтелә. Кинотеатр алдында иһә концерт ойошторола. Унда «Бүреләр» төркөмө, Сәғиҙулла Байегет һәм башҡа билдәле йырсылар сығыш яһай. Шулай уҡ төрлө конкурстар һәм викториналар ҡаралған. Сара барышында «Башҡортостан» киностудияһы тәҡдим иткән яңы эштең – Таңсулпан Бураҡаеваның «Кәләш алам!» ҡыҫҡа метражлы фильмының презентацияһы планлаштырылған.