7 май көнө көндөҙгө сәғәт 14.00. Әхмәтзәки Вәлиди исемендәге Милли китапхананың башҡорт әҙәбиәте һәм тыуған яҡты өйрәнеү бүлегендә Бөйөк Еңеүгә арналған әҙәби-музыкаль кисә үтә.

Кисәгә бала саҡтары һуғыш осорона тура килгән шағирҙар, яҙыусылар Ҡәҙим Аралбаев, Ирек Кинйәбулатов. Әнисә Таһирова, Рәшит Шәкүр, Хәсән Назар ҡатнашасаҡ.

Улар үҙҙәренең ҡиммәтле хәтирәләре менән әҙәбиәт һөйөүселәрҙе, мәктәп уҡыусыларын уйландырыр, алыҫ үткәндәге иҫтәлектәре менән бүлешерҙәр тип ышанабыҙ. 

Кисә һуғышҡа арналған шиғырҙар һәм йырҙар менән үрелеп барасаҡ. Рәхим итегеҙ!