Бөрө халҡы Алма фестиваленә әҙерләнә. Ҡалала йыл да үткәрелеп килгән «Бөрө алмаһы» байрамы хәҙер республика кимәлендә уҙғарыла. Байрам ижтимағи-сәйәси, спорт, йәштәр һәм балалар өсөн сараларҙы берләштерәсәк. Ҡала тамғаһы алма булғанға, Ҡала көнөн бөрөләр бына ошондай үҙенсәлекле байрам менән билдәләй. Бөрөнөң үҙәк майҙанында мәҙәни һәм спорт саралары, аҙыҡ-түлек, халыҡ кәсебе әйберҙәре йәрминкә-күргәҙмәһе үтәсәк, алма һәм алма бәлештәре күргәҙмәһе фестивалдең төп биҙәге буласаҡ. Быйылғы фестиваль ун бишенсе сентябргә тәғәйенләнгән.

«Башҡортостандың мәҙәни донъяһы» порталы