Сарала көньяҡ-көнсығыш төбәк райондарҙан утыҙҙан ашыу яңғыҙ башҡарыусылар, коллективтар ҡатнашты.

«Байыҡ» республика телевизион конкурсы профессиональ булмаған бейеү сәнғәтен һөйөүселәр өсөн үҙ көстәрен һынарға мөмкинлек бирә. Был юлы һайлап алыу турына Әбйәлил, Хәйбулла, Йылайыр, Бөрйән райондарынан, Сибай ҡалаһынан бейеүселәр йыйылды. 

Әлбиттә, оло сәхнәгә сығыу ҙур һынау. Хәрәкәт һәм мимика аша тамашасыларға бейеүҙең асылын аңлатып биреү еңелдән түгел. 

Конкурста ҡатнашырға теләүселәр йылдан-йыл арта бара. Тимәк, башҡорт бейеүенең киләсәге өмөтлө. "Байыҡ" республика телевизион конкурсына һайлап алыу туры һәр төбәктә үтәсәк. Бейеү сәнғәтенә ғашиҡ кешеләргә үҙ көстәрен һынап ҡарарға был ҙур мөмкинлек.