Уларҙа «Аҡбуҙат» журналында донъя күргән әкиәттәр, хикәйәләр, шиғырҙар, комикстар һәм инглиз теле дәрестәре урын алған. Проекттың авторы - билдәле шағирә, балалар өсөн журналдың баш мөхәррире Тамара Юлдашева. Беренсе китапта, мәҫәлән, Фәүзиә Рәхимғолова исемендәге призға үткәрелгән конкурс еңеүселәренең шиғырҙары тупланған. «Шашка иленә сәйәхәт» тип аталғанында халыҡ-ара донъя чемпионы Тамара Танһыҡҡужина төҙөгән мәсъәләр индерелгән.