17 февраль 19.00 сәғәттә реконструкциянан һуң үҙ ишектәрен асҡан Башҡорт дәүләт опера һәм балет театрында Башҡортостан Республикаһының Балалар хорының концерты үтә.

Республика Балалар хоры БР Мәҙәниәт министрлығы ҡатнашлығында барлыҡҡа килде. Ул 2014 йылда яҙ айында республикала музыка мәктәптәренең хор коллективтары араһында үткән конкурс еңеүселәренән төҙөлдө. Балалар хоры үҙ эсенә төрлө район һәм ҡалаларҙан 600 йәш йырсыны ала.

Программа концертында классик хор әҫәрҙәре, шулай уҡ башҡорт композиторҙарының моңдары яңғыраясаҡ. Концертта Башҡорт дәүләт опера һәм балет театрының симфоник оркесты ла ҡатнашасаҡ. Рәхим итегеҙ!