«Башҡортостандың мәҙәни донъяһы» интернет-порталы һәм «Сәнғәт кешеләре» мәрхәмәтлек фонды Башҡортостан Республикаһының Дәүләт Йыйылышы – Ҡоролтай ярҙамында «Минең республикам. Балалар китабы» проектын ойоштора. 

Проекттың төп маҡсаты – әҙәбиәт менән ҡыҙыҡһынған, теләп шөғөлләнгән балаларҙы табыу һәм уларҙың талантын, ижадын үҫтерергә ярҙам итеү; яңы исемдәр асыу. Ижади проектта республикала йәшәүсе балалар һәм үҫмерҙәр ҡатнаша ала.

Әҙәби конкурс 2015–2016 йылда үтәсәк, еңеүселәрҙе «Республика хаҡында һүҙ», «Республикамдың художестволы образы», «Шиғырҙар һәм йырҙар – илем күңеле» һ.б. кеүек номинацияларҙа билдәләйәсәктәр.

Проект 2016 йылда Республика көнөндә гала-концерт менән тамамланасаҡ. Унда ҡатнашыусыларҙың иң яҡшы эштәре ҡуйыласаҡ һәм тыуған илгә бағышланған иң уңышлы эштәрҙе үҙ эсенә алған китап баҫыласаҡ.