Фәйзи Ғәскәровтың тыуыуына 100 йыл тулыуға бағышлап Өфөлә «Евразия йөрәге» тигән заманса халыҡ сәнғәте фестивале үтә. Сара сиктәрендә мәшһүр хореограф-балетмейстерға бюст асылды.
Билдәле скульптор Владимир Дворник эшләгән таш һын Фәйзи Ғәскәров исемендәге дәүләт академия халыҡ бейеүҙәре ансамбле бинаһында ҡуйылды. Изге ниәтте бойомға ашырыуҙы ансамбль үҙ өҫтөнә ала. Тантанала сығыш яһаусылар билдәләүенсә, Фәйзи Әҙһәм улы - башҡорт халыҡ бейеүҙәренә генә түгел, милли хореографияға нигеҙ һалыусыларҙың береһе. Уның ижады Башҡортостандың классик балетын үҫтереүгә өлөш индерә.
Мәшһүр талант эйәһенең исемен мәңгеләштереү буйынса республикала ҙур эш башҡарыла. Атап әйткәндә, Башҡортостан Президенты Указы менән Фәйзи Ғәскәровтың тыуыуына 100 йыл тулыуға арналған юбилей саралары әҙерләнгән. Уға ярашлы, 2014 йылда Өфөлә һәйкәл дә асыласаҡ.