4 июль Башҡорт дәүләт ҡурсаҡ театрында “Урал батыр” спектакленең башҡорт версияһының премьераһы үтәсәк. Ул билдәле башҡорт эпосына нигеҙләнгән.

Эпос фрагменттарын ҡулланып башҡорт теленә тәржемәне Рида Буранова башҡарған. Геройҙар РБ-ның халыҡ, РФ-ның атҡаҙанған артисы Олег Ханов һәм Мостай Кәрим исемендәге Милли йәштәр театры артистары тауышы менән "һөйләшә".

Был проект БР Президентының Мәҙәниәт өлкәһендә бирелә торған Гранты ярҙамында тормошҡа ашырыла. Спектаклдең рус телендәге премьераһы ағымдағы йылдың февраль айында үткән ине. 

Режиссеры – Ильмар Әлмөхәмәтов, рәссамы – Валерий Яшкулов, композиторы – Андрей Березовский, пьеса авторы – Владимир Аношкин.