21 мартта, Бөтә Донъя ҡурсаҡ театры актерҙары көнөндә, Башҡорт дәүләт ҡурсаҡ театры үҙенең юбилейын билдәләй. Иҫегеҙгә төшөрәбеҙ, 5 февралдә Республикала берҙән-бер булған ҡурсаҡ театры асылыуға 80 йыл тулды. Был театр, 1932 йылда Рәсәйҙә тәүге милли ҡурсаҡ театрҙарының береһе булараҡ ойошторола. Һикһән йыл эсендә театр оҙайлы үҫеш юлы үтте, бай ижади тәжрибә тупланы. Илдә беренселәрҙән булып театр балалар спектаклдәре менән бер рәттән өлкәндәр өсөн комедия, драма, трагедиялар ҡуйырға баҙнатсылыҡ итә.

Театрҙың 80 йыллыҡ матур юбилейын билдәләргә, Башҡортостандың һәм Рәсәйҙең бөтә төбәктәренән мәртәбәле ҡунаҡтар саҡырылған.