Мәжит Ғафури исемендәге Башҡорт дәүләт академия драма театры гастролдәре Татарстандың Яр Саллы ҡалаһында 14-17 февралдә үтәсәк. Гастролдәрҙе ҙур театрлаштырылған тамаша асасаҡ, унда театрҙың иң популяр артистары – Фидан Ғафаров, Хөрмәтулла Үтәшев, Суфия Ҡорбанғәлиева, Миңзәлә Хәйруллина, Алмас Әмиров, Әхәт Хөсәйенов, Светлана Хәкимова, Алһыу Бәхтиева, Сәғиҙулла Байегет ҡатнашасаҡ.
Гастролдәрҙең икенсе көнөндә, 15 февралдә, Башҡорт академия театры балалар өсөн Алексей Толстойҙың «Буратино-remake» әҫәре күрһәтелһә, ә кисен тамашасылар Тәнзилә Дәүләтбирҙина пьесаһы буйынса Айрат Әбүшахманов ҡуйған «Минең ғаиләм» спектаклен ҡарай аласаҡ.   
16 февралдә театр коллективы тамашасыларға «Буратино-remake» һәм «Мулла» спектаклдәрен тәҡдим итәсәк. «Мулла» спектакле тамашасылар араһында һәр ваҡыт ҙур ҡыҙыҡһыныу уята.
«Башҡортостандың мәҙәни донъяһы» порталы
Сығанаҡ: «Башинформ»