9-сы февралдә Мәжит Ғәфури исемендәге Башҡорт дәүләт драма театрында Эстония яҙыусыһы Андрус Кивиряхканың пьесаһы буйынса ҡуйылған спектаклдең премьераһы үтәсәк.
Моноспектаклдең төп ролендә, Башҡортостандың халыҡ артисы, Шәйехзада Бабич исемендәге йәштәр премияһы лауреаты Алмас Әмиров.
«Әлифба себеше» спектакле («Цыпленок из букваря») – кешенең тормош мәшәҡәттәренә, ҙур донъялағы проблемаларға яуапты Әлифбанан тапҡаны тураһында. Моноспектаклдең төп геройы Мәүлит – оло йәштәге ир кеше, тик ул бигерәк тә нескә күңелле, ғәҙел һәм намыҫлы. Әлбиттә, уға был донъяла, хәҙерге заманда йәшәү ҡыйыныраҡ тура килә, әммә уның яратҡан китабы бар.
Спектаклдең режиссеры — Линас Зайкаускас, рәссам – Маргарита Мисюкова, композитор — Ләйсән Шарипова, башҡорт теленә тәржемә итеүсе — Факил Мурзакаев. «Башҡортостандың мәҙәни донъяһы» порталы