«Музыка донъяһы - балалар донъяһы» тип аталған яңы концерттар циклы менән, Владимир Спиваков фонды, балалар ҡатнашлығында  концерттарын башлай. Беренсе концерт иртәгә, 21 декабрҙә Хөсәйен Әхмәтов исемендәге Башҡорт дәүләт филармонияһының кесе залында башланасаҡ.
Концертта Өфөнөң Октябрь районы музыкаль мәктәптәренең уҡыусылары ҡатнашасаҡ. Сәхнәгә бер-бер артлы 2-се һанлы Ф. Камаев исемен йөрөткән сәнғәт мәктәбенең, 6-сы, 11-се, Х.Заимов исемендәге 13-сө һанлы музыкаль мәктәптәрҙең һәм Ғ. Әлмөхәмәтов исемендәге гимназия-интернат уҡыусылары сығасаҡ. Улар бөтәһе лә төрлө музыкаль конкурстар лауреаттары. Йәш артистар рус һәм сит ил композиторҙарының әҫәрҙәрен башҡарасаҡ.

«Башҡортостандың мәҙәни донъяһы» порталы