24 март Хөсәйен Әхмәтов исемендәге Башҡорт дәүләт филармонияһы коллективын яңы директор менән таныштырҙылар. 

Был вазифаға бейеүсе, балетмейстр, Башҡортостандың халыҡ артисы Айҙар Зөбәйҙуллин тәғәйенләнде.

Айҙар Хизбулла улы Зөбәйҙуллин 1963 йылда Өфөлә тыуған. 1984 йылда Мәскәү мәҙәниәт институтын тамамлай. 1985 йылдан Фәйзи Ғәскәров исемендәге халыҡ бейеүҙәре ансамблендә эшләй. Солист, балетмейстер, баш балетмейстер, художество етәксе вазифаларын башҡара. 2003-2004 йылдарҙа Республика халыҡ ижады үҙәген етәкләй. Көнсығыш иҡтисад университетында тәүге хореография кафедраһын ойоштора, уның етәксеһе була.