Бөгөн Башҡорт дәүләт опера һәм балет театрында ҡуйыласаҡ «Аҡмулла» операһы мәғрифәтсе, тәрән аҡыл эйәһе, шағир Мифтахетдин Акмулланың тыуыуына 180 йыл тулыуға бағышлана.
Аҡмулланың ысын исеме — Мифтахетдин Камалетдинов. Ул — легендаға әүерелгән тарихи шәхес. Уның әҫәрҙәре хәҙерге быуын өсөн дә оло үрнәк. Шуға күрә билдәле композитор Заһир Исмәғилевтың Аҡмуллаға бағышлап опера ижад итеүе бер кем дә лә ғәжәпләнеү тыуҙырмай. Әҫәрҙә шағир тормош юлының төрлө этаптары күрһәтелә. Вокал партияһы Радик Гәрәев өсөн махсус яҙылғанлығы билдәле.
Операла мәңгелек төшөнсәләр — яҡшылыҡ һәм яманлыҡ, гәҙеллек һәм хыянат, намыҫлылыҡ һәм алдашыу хаҡында әйтелә. Либреттоға Аҡмулла язған шиғырҙар ҙа керетелгән.
Төп партияларҙа театрҙың солистары: Мифтахетдин ролендә — Рәсәйҙең атҡазанған артисы Руслан Хәбибуллин, Аҡмулла — Рәсәйҙең атҡаҙанған артисы Раил Кучуков, Аҡсәскә — республика конкурстары лауреаты Гөлнур Нарынбаева, Буранғол — Рәсәйҙең халыҡ артисы Салауат Асҡаров сығыш яһаясаҡ. Спектаклдә хорға ҙур урын бирелгән (баш хормейстер — Эльвира Ғәйфуллина). Дирижер — Башкортстандың халыҡ артисы Фәрит Иҙрисов.
Башҡорт дәүләт опера һәм балет театрына рәхим итегеҙ!
«Башҡортостандың мәҙәни донъяһы» порталы