7 апрелдә Башҡорт дәүләт опера һәм балет театрында Татарстандың халыҡ артисы, Башҡортостандың атҡаҙанған артисы, халыҡ-ара һәм бөтә Рәсәй конкурстары лауреаты Марат Шәриповтың юбилей кисәһе үтәсәк.

Кисәлә Татарстандың сәнғәт оҫталары Рөстәм Маликов, Зөһрә Сәхәбиева, Фән Вәлиәхмәтов, Фәнир Ғәлимов, Рафаэль Ильясов, Ринат Вәлиев һәм башҡорт артистары ҡатнашасаҡ.

Марат Шәрипов – филология фәндәре кандидаты, БР Президенты ҡарамағындағы Йәмәғәт советы ағзаһы, «Рамаҙан» төрки милли-мәҙәни үҙәге рәйесе. 25 йылға яҡын Башҡорт дәүләт университетының татар филологияһы кафедраһында уҡыта.

2001 йылдан Марат Шәрипов – Башҡорт дәүләт опера һәм балет театры солисы. Әлеге ваҡытта уның репертуарында ундан ашыу партия бар.

Юбилей кисәһе 18 сәғәттә башлана.

Сығанаҡ: «Башинформ»