Белеүегеҙсә, унда ремонт эштәре башҡарылды, әле реконструкциянан һуң театр үҙ тамашасыһын көтөп ҡала. Заманса һулыш алған сәнғәт усағын иң беренселәрҙән булып күргегеҙ килһә, рәхим итегеҙ.

Башҡорт дәүләт опера һәм балет театрының Ҙур залы республикала иң яҡшы академик залдарҙан иҫәпләнә. Әле ул тағы ла йәмле һәм күркәм төҫ алды. Ҙур залдың асылыуы, ысынлап та, әһәмиәтле ваҡиға, сөнки ул хәҙер бөтә заманса талаптарға яуап бирә, тимәк, унда киләсәктә донъя йондоҙҙары ҡатнашлығындағы концерттар тағы ла күбәйәсәк.

Әле тамашаға оло әҙерлек бара, концертта театрҙың бөтә коллективтары сығыш яһаясаҡ. Байрам кисәһендә донъя классикаһынан иң яҡшы әҫәрҙәр яңғыраясаҡ.