6 март көнө «Родина» кинотеатрында «Етегән» фильмының премьераһы үтте. Картинаны республиканың Сибай, Баймаҡ, Белорет, шулай уҡ Әбйәлил районы Ташбулат ауылы халҡы ла ҡарап үҙ баһаһын бирҙе.

31 март Мәжит Ғафури исемендәге Башҡорт академия драма театрының кесе залында «Етегәнде» тағын да ҡабатлап күрһәтәсәктәр. Уның сиктәрендә музыкаль фильмдың идея авторы, продюсеры, ҡуйыуысы операторы Рияз Исхаҡов, ҡуйыуысы режиссер Айсыуаҡ Йомағолов, актрисалар Регина Баракова, Алтынай Бурина, Нәркәс Ғәйфуллина, Дания Ғөбәйҙуллина, Лиана Хәбибуллина, Айһылыу Йомағолова, Венера Йәғәфәровалар менән осрашыу ҙа үтәсәк.

Башлана 19.00 сәғәттә.