15 октябрҙә, Ҡытайҙың “Гуанси ТВ” телеканалында “Азияның супер моделе-2015” телевизион реалити-шоуы башланды.
Ысынбарлыҡта барған шоу өс ай буйына күрһәтеләсәк, Ҡытайҙың барлыҡ халҡы уның 12 серияһын ҡараясаҡ.
Программа, йәки фэшн сериалда 45 минут дауамында, ҡатнашыусы ҡыҙҙарҙың көндәлек тормошо менән танышырға мөмкин.
БР был конкурста «Һылыуҡай — Bashkirian Beauty» модель агентлығынан Диана Зөбәйерова һәм «Агиҙел» ансамбле солисы Тимур Сәхәуетдинов ҡатнашҡан.
Сериалға төшөү август айында уҡ башланған. Башҡорт моделдәре был программала Япония, Корея, Ҡытай, Монголия, Һиндостан, Яңы Зеландия, Малайзия һәм Таиланд моделдәре менән бергә төрлө махсус һынауҙарға дусар ителгән.
Ҡыҙыҡлы реалити-шоуҙың сериаларын интернет биттәренән эҙләп табырға мөмкин буласаҡ.
Һөҙөмтәләр буйынса, Тимур уның иң әүҙем ҡатнашыусыһы булараҡ билдәләнәгән, ә Диана “Азияның камиллыҡ һылыуы-2015” тигән титулға лайыҡ булған. Сибәр ҡыҙға шунда уҡ, Ҡытай агентлыҡтары килешеүҙәргә саҡырып мөрәжәғәт иткән.