Китапхана Сергей Кораблевтың Шаран районында тыуып үҫкән, әлеге көндә билдәле спортсы Рима Баталова хаҡында «Рима Баталова – спорт легендаһы» («Рима Баталова – легенда спорта». Уфа, 2012) тип аталған китапты аудиовариантта сығарҙы. Китап Рима Аҡбирҙе ҡыҙының бала сағы, мәктәп йылдары, спортҡа нисек килеүе һәм уңыштары хаҡында.
Рима Баталова – 13 тапҡыр Паралимпия уйындары, 18 тапҡыр донъя , 48 тапҡыр Европа чемпионкаһы, РФ Дәүләт Думаһы депутаты, Рәсәйҙең Паралимпия комитеты вице-президенты, Рәсәйҙең атҡаҙанған спорт мастеры.
«Рима профессиональ спортҡа, хеҙмәткә, кешеләргә булған мөнәсәбәте менән, ғөмүмән, бар яҡтан да өлгөлө кеше», – ти уның хаҡында Рәсәйҙең атҡаҙанған тренеры, еңел атлетика буйынса СССР-ҙың спорт мастеры Г.И.Алексеев.
Был ихтирамға лайыҡ шәхес хаҡында китапты Башҡорт республика махсус һуҡырҙар китапханаһының тауыш яҙҙырыу студияһында Оксана Яншаева уҡыны. Автор: Айгөл Әминева
«Башҡортостандың мәҙәни донъяһы» порталы