Гүзәллек бәйгеһендә Япония, Корея, Монголия, Австралия, Таиланд кеүек төрлө илдәрҙән 20 һылыуҡай ҡатнашты. 

Рәсәй данын бәйгелә Башҡортостандан Гөлназ Ҡотлозаманова менән Гөлназ Хөсәйенова яҡланы. Жюри ағзаларын улар башҡорт һәм ҡытай телдәрендә сәләмләне. Конкурс сиктәрендә ҡыҙҙар тышҡы һәм эске матурлыҡ буйынса һынау тотто. Ҡытай кухняһында сәй бешереү серҙәренә төшөндө, милли музыка ҡоралдарында ла уйнап ҡараны. Конкурс һөҙөмтәләре буйынса Гөлназ Хөсәйенова тәүге ун топ-модель араһына инһә, Гөлназ Ҡотлозаманова ярты миллион һумлыҡ биҙәүес менән бүләкләнде. Еңеүсе тажы Ҡытай гүзәленә тапшырылды. Башҡортостан ҡыҙҙары әйтеүенсә, Ҡытай халҡын зиннәтле йәнлек тиреһе, төрлө башҡорт орнаменттары менән байытылған кейемдәрҙә сығыш яһау әсир иткән.