Бөгөн Республика башлығы шыршыһы үтә. Яңы йыл тамашаһы Өфөлә “Башҡортостан” дәүләт концерт залында ойошторола. Байрамға республиканан 780 бала саҡырылған. Улар араһында уҡыу алдынғылары, төрлө конкурстар, мәктәп олимпиадаларында, спорт ярыштарында еңеүселәр, хеҙмәт бурысын үтәгәндә һәләк булған хәрбиҙәрҙең һәм эске эштәр органдары хеҙмәткәрҙәренең, аҙ тәьмин ителгән ишле ғаиләләрҙең балалары бар. Быйыл уҡыусыларға “Яңы йыл биттәре буйлап, йәки әкиәт урлаусылар” тигән спектакль күрһәтелә. Бынан тыш, ҡунаҡтарға концерт залы фойеһында күңел асыу программаһы тәҡдим ителә. Уҡыусыларҙы уйын-көлкө, әйлән-бәйлән, дәртле конкурстар, викториналар көтә.