Башҡортостандың КВН командалары 2013 йыл миҙгелендә Халыҡ-ара Шаттар һәм тапҡырҙар союзының Үҙәк Лигаларында ҡатнашыу хоҡуғын алды. Сочи ҡалаһында «Кивин-2013» фестивале тамамланды, уның һөҙөмтәләре Халыҡ-ара Квн берлегенең рәсми сайтына ҡуйылған. Башҡортостандан алты команда юғары баһаға лайыҡ булған. Улар - Стәрлетамаҡтан «Гудвин», Өфө ҡалаһының йыйылма командаһы, Иглиндан «Һуҡа кешеләре», Өфө дәүләт иҡтисад һәм сервис академияһы, Стәрлетамаҡ физик культура институты һәм Башҡортостан йыйылма командалары. Бынан тыш Өфөнән «Кеда» һәм Борай районы командалары Халыҡ-ара КВН берлегенең Төбәк-ара лигаларында ҡатнашыу хоҡуғын яуланы. Сығанаҡ: «Ашҡаҙар»