8 декабрҙән 11-нә тиклем Өфөлә Башҡортостан Композиторҙар союзының 75 йыллығына арналған Музыкаль фестиваль ойошторола. Фестиваль концерттары Башҡорт дәүләт опера һәм балет театрында, Х.Әхмәтов исемендәге Башҡорт дәүләт филармонияһында үтәсәк.

8 декабрҙә программала Ғәзиз Әлмөхәмәтов, Заһир Исмәғилев, Хөсәйен Әхмәтов, Нариман Сабитов, Таһир Кәримов, Рәүеф Мортазин, Камил Рәхимов һәм башҡа билдәле авторҙарҙың әҫәрҙәре яңғыраясаҡ. Фестиваль барышында Республиканың Милли симфоник оркестры (художество етәксеһе һәм дирижеры - Раушан Яҡупов) иң яҡшы музыка өлгөләрен башҡарасаҡ.
Шулай уҡ, Башҡорт дәүләт академия хор капеллаһы концерты (художество етәксеһе Алһыу Хасбиуллина). Унда Салауат Асҡаров, Иҙрис Ғәзиев, Рәил Кучуков, Зөлфирә Фәрхутдинова, Әлим Ҡәюмов башҡарыуында симфоник әҫәрҙәр һәм ариялар тәҡдим итәсәк.
11 декабрҙә өфөләрҙе һәм баш ҡала ҡунаҡтарын Рәмил Ғәйзуллин етәкселегендәге Халыҡ музыка ҡоралдары милли оркестрының концертына саҡыралар.

Башҡортостан Композиторҙар союзы рәйесе Ләйлә Исмәғилева хәбәр итеүенсә, форум яңы талантлы әҫәрҙәрҙе асыҡларға ярҙам итәсәк, милли традицияларҙың үҙенсәлеген күрһәтәсәк һәм республикала иҫтә ҡалырлыҡ ваҡиға буласаҡ. Фестивалде ойоштороусылар — Рәсәйҙең Мәҙәниәт министрлығы, Башҡортостандың Мәҙәниәт министрлығы, Башҡортостан Композиторҙар союзы