Башҡортостан Президенты Рөстәм Хәмитов 25, 26 августа Өфөнөң Ленин урамында үткән «Сәскәләр Арбаты» байрамында булды. Республика башлығы бында тәҡдим ителгән сәскәләр композицияларын ҡараны, артистар һәм тамашасылар менән аралашты.

Ленин урамында белем биреү, медицина учреждениелары, дөйөм туҡланыу предприятиелары үҙҙәренең экспозицияларын булдырған, концерт номерҙары әҙерләгән. Башҡорт дәүләт опера һәм балет театры алдында Рөстәм Сөләймәнов етәкселеге аҫтында Милли симфоник оркестр сығыш яһаны.

«Сәскәләр Арбаты»нда эшҡыуарҙар үҙҙәренең продукцияһын тәҡдим итте, белем биреү үҙәктәре программалары хаҡында һөйләне, шулай уҡ төрлө оҫталыҡ дәрестәре үткәрелде.

Көн болотло һәм ямғырлы булыуға ҡарамаҫтан, «Сәскәләр Арбаты» ҡала халҡы өсөн ысын байрамға әүерелде. Унда бик күп кеше ҡатнашты. 

«Башҡортостандың мәҙәни донъяһы» порталы