10-сы ғинуарҙа Башҡортостан Республикаһының мәҙәниәт министры Әминә Шафикова мәҙәниәт министрлығы ҡарамағындағы учреждениялар етәкселәрен үҙенең яңы урынбаҫары менән таныштырҙы. Был яңы булдырылған вакансияға Шамиль Абдраков тәғәйенләнде. 

Абдраков Шамиль Фаиль улы 1980-се йылда Мәләүез ҡалаһында тыуған. Салауат музыкаль колледжын тамамлағандан һуң, ул Өфө дәүләт сәнғәт академияһына уҡырға керә.
2004-се йылда Шамиль Абдраков сәнғәт академияһын тамамлағандан һуң, Мәләүез районы һәм ҡалаһы мәҙәниәт бүлегендә белгес булып эшләй. Һуңғы йылдарҙа йәштәр эше буйынса комитет председателе һәм мәҙәниәт булеге етәксеһе итеп эш алып бара. Башҡортостан Республикаһының мәҙәниәт министрлығына эшкә алынғансы, Шамиль Абдраков Салауат музыкаль колледжының директоры вазифаһын башҡарған. «Башҡортостандың мәҙәни донъяһы» порталы