«Башҡортостан таланттары»
13 майҙа Өфө сәнғәт училищеһының концерт залында быйылғы балалар һәм йәштәр өсөн ижади сараларҙа еңеүселәр ҡатнашлығында «Башҡортостан таланттары»ның гала-концерты үтә.
Программала республиканың йәш ижади коллективтары – Өфө сәнғәт училищеһының тынлы һәм һуҡма инструменттар оркестры һәм биг-бэнды, урта махсус музыка колледжының Рус халыҡ уйын ҡоралдары оркестры һәм Камера оркестры, Салауат музыка колледжының «Тере һыу» халыҡ фольклор ансамбле, Күмертау балалар хоры мәктәбенең «Контраст» халыҡ бейеүҙәре ансамбле, Башҡорт хореография колледжының халыҡ бүлеге уҡыусылары сығыш яһаясаҡ.
Коллективтар, шулай уҡ солистар башҡарыуында классик, төрлө халыҡтарҙың фольклор әҫәрҙәре, Бөйөк Еңеүҙең 70 йыллығына арналған популяр йырҙар, Мостай Кәримдең «Партизан ҡатыны» шиғыры яңғыраясаҡ. Концерт Өфө сәнғәт училищеһының йыйылма хоры һәм Октябрьский музыка колледжы хорының сығышы менән тамамланасаҡ.
Сара көндөҙгө сәғәт 4-тә башлана, инеү бушлай.
Сығанаҡ: "Шоңҡар" журналы сайтынан.