Дүртөйлө ҡалаһы урта дөйөм белем биреү мәктәбе матур яңылыҡ менән бүлеште. Ошо мәктәптә белем алыусы дүртенсе класс уҡыусыһы Тимур Шәрифуллиндың ижади эше Әҙәбиәт йылы уңайы менән Рәсәйҙең Мәғариф һәм фән министрлығы һәләтле уҡыусыларҙы асыҡлау өсөн ойошторған бөтә Рәсәй инша конкурсында иң яҡшы 100 эш иҫәбенә ингән. Уның ижади эше «Яҙыусы хеҙмәте донъяны кешелеклек нуры менән яҡтырта» номинацияһында иң яҡшыларҙың береһе тип танылған. Иң яҡшы инша авторҙары Мәскәүҙә бүләкләнгән.