Танылған яҙыусы Камил Йыһаншин «Дальний Восток» журналының, рус шағиры Петр Комаров исемендәге үткәрелгән әҙәби конкурста еңеп сыҡты. Премияны тапшырыу Хабаровск ҡалаһында уҙғарылды. Конкурсты ойоштороусылар әйтеүе буйынса, 2011-2012 йылдарҙа «Дальний Восток» журналында баҫылып сыҡҡан яҙмалары менән, 200-гә яҡын әҙәби шәхес ҡатнашҡан. 

Хабаровск өлкәһенең мәҙәниәт министрлығы белдереүенсә, был конкурс ике йылда бер уҙғарыласаҡ. Конкурстың талаптары буйынса, был үҙенсәлекле әҙәби ярышта, һәр бер теләгән яҙыусы ҡатнаша ала, тик уларҙың яҙмалары «Дальний Восток» журналында баҫылып сығырға тейеш.

Беҙҙең яҡташ, үҙенең «Скитники» тигән тарихи романы өсөн, үҙенсәлекле премияға лайыҡ булған. Был роман «Дальний Восток» журналының 2012-се йылдың, 4-5-се номерҙарында баҫылып сыҡҡан. Жюри ағзалары ошо иҫәптән, Камил Йыһаншинға диплом һәм аҡсалата премия ла тапшырған.