Башҡортостан юлдаш телевидениеһы һәм «Башҡортостан» киностудияһы кино һөйөүселәргә бүләк әҙерләй.

2 май тәүлек буйына Башҡортостан юлдаш телевидениеһы киностудияла төшөрөлгән фильмдар һәм йәнһүрәттәрҙе күрһәтәсәк: Булат Йосоповтың «Ауыл өҫтөндә йәйғор», «Сөмбөлдөң етенсе йәйе», «13 раунд», Айнур Асҡаровтың «Еңмеш», Айсыуаҡ Йомағоловтың «Ел аулаусы», Тансулпан Бураҡаеваның «Минең йондоҙом», Роман Пожидаевтың «Карусель» картиналары һәм Рим Шәрәфетдиновтың «Алдар һәм күк бүре» анимацион фильмы тамашасы күңеленә хуш килер тип ышанабыҙ.

Шулай уҡ Ғәле Ибраһимов әҫәре буйынса Салауат Юлаев премияһы лауреаты Әмир Абдразаҡов төшөргән күп сериялы «Кинйә» фильмы күрһәтеләсәк.