Гөлназдың билдәле спортсы, паралимпия еңеүсеһе, милләтебеҙ ғорурлығы булған Ирек Зарипов хаҡындағы «Тормош һаны» фильмы «Красногорский» XII Халыҡ-ара спорт фильмы фестивалендә «Ныҡлы рух» номинацияһында еңеү яуланы. Йәш режиссерҙың был эше Германия һәм Хорватиянан килгән картиналарҙы уҙып китте. Гөлназды кино сәнғәтен өйрәнеүсе Фернандо да Сильва (Португалия) һәм ҡатын-ҡыҙҙар араһында иң билдәле боксер Наталья Рагозина бүләкләне.

«Красногорский» кинофестивале 2003 йылдан алып йыл һайын уҙғарыла. Быйылғы йылда конкурсҡа 23 илдән 80 яҡын нәфис һәм документаль фильм ебәрелгән. Ойоштороусылар билдәләүенсә, йылдан йыл фестивалдә ҡатнашырға теләүселәрҙең һаны һәм ебәрелгән фильмдарҙың сифаты арта бара.

Бөгөнгө көндә Гөлназ Ғәлимуллина Мәскәү ҡалаһында йәшәп ижад итә.