Был тәңгәлдә Радио һәм телевидение экспонаттары музейын ойоштороусылар телевизор ҡараусыларға мөрәжәғәт итә һәм радио-телевидение тарихына ҡағылышлы ҡомартҡылары булған коллекционерҙарҙың бәйләнешкә инеүен һорай.

Музейҙа тәүге радиоалғыстар, телевизорҙар һәм башҡа иҫтәлекле экспонаттар урын аласаҡ. Тәүге тапшырыуҙарҙы алып барыусыларҙың фотоһүрәттәре, архив документтары, баҫмалар башҡорт телевидениеһының һәм радиоһының тарихын сағылдырған, бөгөнгө үҫеш тураһында һөйләгән музейҙы Рәсәйҙең һәм Башҡортостандың атҡаҙанған сәнғәт эшмәкәре Шәүрә Ғилманова ойоштора.

Музейҙы ойоштороусы эшсе төркөм телефоны: 8(347) 292-59-89 һәм 8(347)272-93-71.

Сығанаҡ: «Башҡортостан юлдаш телевидениеһы»